- वि.सं २o७९ मङ्सिर १५ बिहीबार
मनकामना केबुलकार प्रालिले मनकामनामा ४० कोठाको सुविधासम्पन्न रिसोर्ट निर्माण गर्ने भएको छ । मनकामना केबलकार सञ्चालनमा आएको २५औँ वार्षिकोत्सवको अवसरमा कम्पनीले ४८ करोड लागतमा रिसोर्ट निर्माण गर्ने जनाएको हो ।
२०५५ सालदेखि सञ्चालनमा आएको केबुलकारमा हालसम्म करिब एक करोड ७० लाख यात्रुले सेवा प्राप्त गरिसकेको कम्पनीले जनाएको छ ।
चितवनको इच्छाकामना गाउँपालिका र गोरखाको सहिद लखन गाँउपालिकालाई कुल आम्दानीको एक–एक प्रतिशत रकम सामाजिक उत्तरदायित्वअनुसार शिक्षा, स्वास्थ्य, धार्मिक, मठमन्दिर जीर्णोद्धारलगायत विकास निर्माणका कार्य आदिमा खर्चिँदै आएको पनि कम्पनीले जनाएको छ ।
