- वि.सं २o७९ मङ्सिर १० शनिबार
सुनसरी क्षेत्र नम्बर २ बाट प्रतिनिधि सभा सदस्यमा एमालेका भीमप्रसाद आचार्य निर्वाचित भएका छन् । उनी निकटतम प्रतिस्पर्धी कांग्रेसका सिताराम मेहतालाई ६ हजार मतले पछि पार्दै निर्वाचित भएका हुन् ।
आचार्यले ३२ हजार आठ मत ल्याए भने कांग्रेसका मेहेताले २६ हजार ५८ मत प्राप्त गरे । निर्वाचन अधिकृतको कार्यालयले दिएको जानकारी अनुसार कुल ९४ हजार ८६८ मत खसेको थियो । जसमा ८८ हजार ५१८ मत सदर भयो भने ६ हजार ६३ मत बदर भएको छ ।
त्यसैगरी, प्रदेश सभा सदस्यका लागि क्षेत्र नम्बर २ (२) मा पनि एमालेका रामप्रसाद महतो निर्वाचित भएका छन् । कुल ४५ हजार ३७९ मतगणना गर्दा महतोले १८ हजार १९१ मत प्राप्त गर्दै निर्वाचित भएका हुन् । त्यस्तै, उनका निकटतम प्रतिस्पर्धी कांग्रेसका राजिव कोइरालाले १७ हजार ६३७ मत प्राप्त गरे ।
सोही क्षेत्रको प्रदेश सभा (१) मा पनि एमालेका रेवतीरमण भण्डारी निर्वाचित भइसकेका छन् । उनी प्रतिस्पर्धी सत्ता गठबन्धनकातर्फबाट माओवादी केन्द्रका द्वारिकलाल चौधरीलाई पराजित गर्दै शुक्रबार नै निर्वाचित भइसकेका हुन् ।
