- वि.सं २o७९ मङ्सिर ९ शुक्रबार
संखुवासभाको प्रदेशसभा (क) मा पाँचदलीय गठबन्धनका साझा उम्मेदवार नेकपा माओवादी केन्द्रका राजेन्द्र कार्की (नवीन) विजयी भएका छन् ।
मुख्य निर्वाचन अधिकृतको कार्यालयले दिएको जानकारी अनुसार राजेन्द्रले १३ हजार ४ सय ३३ मत प्राप्त गरेर विजयी भए । उनको निकटतम प्रतिद्वन्द्वी एमालेका भविश्वर गुरुङ्गले १३ हजार ३ सय ९९ मत प्राप्त गरी पराजित भए।
नेकपा एमालेका भविश्वर गुरुङलाई ३४ मतले पछि पार्दै विजयी बनेका हुन् । राजेन्द्र र भविश्वरबीच कडा प्रतिस्पर्धा भएको थियो । प्रदेशसभा (क)मा ३१ हजार ५०४ मत खसेको थियो भने जिल्लाभर १ लाख १७ हजार ५५४ मतदाता रहेकोमा ६५ हजार ८९२ मत खसेको थियो ।
