नेपालले पपुवा न्युगिनीलाई सात विकेटले हरायो

आइसिसी क्रिकेट विश्वकप लिग दुईअन्तर्गतको त्रिकोणात्मक एकदिवसीय सिरिजमा नेपालले पपुवा न्युगिनीलाई सात विकेटले हराएको छ। 

मंगलबार दुबई क्रिकेट रंगशालामा नेपालले १७४ रनको लक्ष्य तीन विकेट गुमाएर पूरा गरेको हो । नेपालको जितमा आरिफ शेखले ५९ रनको अर्धशतकीय योगदान गरे । रोहित पौडेलले ४४ रन जोडेका थिए । 

डिभिजन २ मा १२ खेलबाट १२ अंक जोडेको नेपाल तालिकाको छैटौँ स्थानमा छ । तालिकाको पुछारमा रहेको पपुवा न्युगिनीले १६ खेलबाट दुई अंक मात्र जोडेको छ ।