निमोनियाको निःशुल्क खोप कार्यक्रमसहित महानगर दिवस मनाइँदै

निमोनियाको निःशुल्क खोप कार्यक्रमलाई प्राथमिकतामा राख्दै काठमाडौं महानगरपालिकाले २७औँ महानगर दिवस मनाउने तयारी गरेको छ। सेवाग्राही सर्वेक्षण, जेष्ठ नागरिकलाई निमोनियाको निःशुल्क खोप तथा स्वास्थ्य शिविर, विशेष सरसफाइ, खेलकुद र सांस्कृतिक कार्यक्रमसहित  २७, २८ र २९ मंसिरमा २७औँ महानगर दिवस मनाउन लागिएको हो । 

महानगर दिवसको अवसरमा निमोनिया खोप कार्यक्रम सञ्चालन गरिनेछ। निःशुल्क मास्क वितरण, कोभिडविरुद्धको खोप सञ्चालन, विद्यालयस्तरमा ‘सांस्कृतिक सहर, काठमाडौं महानगर’ शीर्षकमा वक्तृत्वकला प्रतियोगितालगायत कार्यक्रम पनि सञ्चालन हुने महानगरले जनाएको छ । वार्षिकोत्सव कार्यक्रम वसन्तपुरमा आयोजना हुनेछ। समारोहमा परम्परागत बाजागुरु, कलाकार, शिक्षकलगायतलाई सम्मान गरिनेछ।