१० भदौको भोटेकोशी बाढीमा बेपत्ता भएका नयाँ पत्रिकाकर्मी टेकराज थामीको शनिबार कुशको शव बनाएर अन्त्येष्टि गरिएको छ । सम्भावित स्थानमा २४ दिनसम्म खोजी गर्दा पनि नभेटिएको र तत्कालीन परिस्थितिको मूल्यांकन गर्दै कुशको शव बनाएर अन्त्येष्टि गरिएको हाे ।
थामीकाे अन्तिम बिदाईमा परिवारका सदस्य, आफन्त, छरछिमेक संचारकर्मीलगायत ठूलो संख्यामा उपस्थिती रहेको थियो ।
केरुङ जानका लागि थामी ९ भदौमा टिमुरे पुगेका थिए । भोलिपल्ट बिहानदेखि उनी सम्पर्कविहीन भएका थिए । नेपाल र चीन दुवैतर्फ उनको खोजी गरिएकाे थियाे । खोजमूलक पत्रकारिता गर्दै आएका थामी एक दशकभन्दा लामो समयदेखि नयाँ पत्रिकामा कार्यरत थिए ।
See More On
