भोटेकोशी बाढीमा अलपत्र ११७ पर्यटकको उद्धार

भोटेकोशीमा आएको बाढीका कारण अलपत्र परेका ११७ जना पर्यटकको उद्धार गरिएको छ।

नेपाल पर्यटन बोर्डका अनुसार उद्धार गरिएकामध्ये ८५ जना भारतीय, १६ जना चिनियाँ र नाैजना कोरियाली पर्यटक रहेका छन्। यस्तै, दुई अमेरिकी र दुई इटालियन नागरिकको पनि उद्धार गरिएको बोर्डले जनाएको छ। उद्धार गरिएका थप तीनजनाको भने राष्ट्रियता तथा पहिचान खुल्न सकेको छैन।

सम्पर्कविहीन पर्यटकको खोजी तथा उद्धार कार्य जारी रहेको छ।