काठमाडौं उपत्यकामा उत्तरभन्दा दक्षिणी क्षेत्रमा ठुलाे पानी परेकाे छ।
जल तथा माैसम विज्ञान विभागका वर्षा मापन केन्द्रका तथ्यांक हेर्दा काठमाडौं जिल्लाका उत्तरी क्षेत्रमा मध्यम वर्षा भएकाे छ भने ललितपुरकाे उत्तरी क्षेत्रमा ठुलाे वर्षा मापन भएकाे छ। गत वर्ष मध्यअसाेजकाे भीषण वर्षाताका पनि उपत्यकाका दक्षिणी क्षेत्रमा रेकर्ड ब्रेक पानी परेकाे थियाे।
विभागका अनुसार पछिल्लो २४ घण्टा (राति सवा ९ बजेसम्म) उपत्यकामा सबैभन्दा धेरै वर्षा ललितपुरकाे लेलेमा १५५ मिलिमिटर वर्षा रेकर्ड भएकाे छ। त्यस्तै, ललितपुरकै गाेदावरीमा १५१, काठमाडौंकाे नैकापमा १३८, ललितपुरकाे खुमलटारमा ११९ र टीकाथलीमा १०७ मिलिमिटर वर्षा रेकर्ड भएकाे छ। त्यस्तै नगरकाेट (भक्तपुर क्षेत्र) मा ११५.६, थलीमा ९४ र साँखुमा ६८ मिलिमिटर पानी परेकाे छ। सुन्दरीजलमा ११७, कपनमा ९४, पानीपाेखरीमा ९८ मिलिमिटर वर्षा मापन भएकाे छ।
