सेतोपुलको आश्रेय होमस्टेमा खुकुरी प्रहारबाट एक व्यक्ति घाइते

काठमाडौंको सेतोपुलस्थित आश्रेय होमस्टेमा खुकुरी प्रहारबाट एक व्यक्ति गम्भीर घाइते भएका छन्।

बारा गढीमाई घर भई डिल्लीबजार बस्ने २५ वर्षीय दिलीपकुमार साहमाथि खुकुरी प्रहार भएको हो। उनको टाउको, पेट र घाँटीमा चोट लागेको र फ्रन्टलाइन अस्पतालमा उपचार भइरहेको जिल्ला प्रहरी परिसर, काठमाडौंका डिएसपी दिपेश बस्यालले बताए।

सुनसरी भोक्रा घर भएका फेसल जुवैरले खुकरी प्रहार गरेको खुलेको छ। उनी फरार छन्।