श्रीलंकाको मुद्रास्फीति मे महिनामा २२.१ प्रतिशतमा झरेको छ। राष्ट्रिय उपभोक्ता मूल्य सूचकांकमा आधारित श्रीलंकाको मुद्रास्फीति २२.१ प्रतिशतमा झरेको जनगणना तथा तथ्यांक विभागले जनाएको छ।
एनसिपिआईका अनुसार अप्रिलको मुद्रास्फीति ३३.६ प्रतिशत थियो। खाद्य श्रेणीको मुद्रास्फीति अप्रिलमा २७.१ प्रतिशतको तुलनामा मे महिनामा १५.८ प्रतिशतमा झरेको छ। गैरखाद्य समूहको मुद्रास्फीति ३९ प्रतिशतबाट घटेर २७.६ प्रतिशतमा पुगेको छ।
श्रीलंकाको केन्द्रीय बैंकले अनुमानित गिरावटको मुद्रास्फीति प्रवृत्ति सन् २०२३ सम्म जारी रहने अपेक्षा गरेको छ। सन् २०२३ को अन्तसम्ममा एकल–अंकको तथ्यांकमा प्रचलित उच्च मुद्रास्फीतिलाई ल्याउने अपेक्षा गरिएको छ।
See More On
