- वि.सं २o७९ कार्तिक २८ सोमबार
नेपाल र बंगलादेशले सन् २०२७ को आइसिसी महिला यू–१९ विश्वकप संयुक्त रूपमा आयोजना गर्ने भएका छन् । अन्तर्राष्ट्रिय क्रिकेट परिषद् आइसिसीले आइतबार बंगलादेशलाई आयोजक र नेपाललाई सहआयोजक मान्दै विश्वकप आयोजना गर्न जिम्मेवारी दिएको हो ।
नेपाल क्रिकेट संघका अध्यक्ष चतुरबहादुर चन्दले विश्वकप आयोजना गर्न ठूलो ‘लबिङ’ गरेको बताए । उनले यो गौरवको विषयसमेत भएको जनाए । ‘आयोजना गर्न बंगलादेश र आइसिसीसँग ठूलो ‘लबिङ’ गरेका थियौँ,’ चन्दले भने, ‘बंगलादेशले पनि सहजै स्वीकार गरेको थियो ।
आयोजना गर्ने अवसर पाएका छौँ । आजका मितिबाट तयारी सुरु गर्नेछौँ । चार वर्षमा पूर्वाधारका काम पूरा गर्छौं,’ चन्दले बताए ।
