- वि.सं २o७९ असोज २३ आइतबार
सल्यान कांग्रेसमा विद्रोह भएको छ। सत्तागठबन्धनविरुद्ध कांग्रेसका नेताहरूले स्वतन्त्र उम्मेदवारी दर्ता गराएका छन् ।
पूर्वराज्यमन्त्री राजेन्द्रबहादुर शाहले प्रतिनिधिसभा र कर्णाली प्रदेश कार्यसमितिका सहमहामन्त्री एकराज डाँगीले प्रदेश सभा सदस्यका लागि (क)बाट उम्मेदवारी दर्ता गराएका हुन्। शाह र डाँगी ०७४ को निर्वाचनमा समेत उम्मेदवार बनेका थिए।
गठबन्धनले प्रतिनिधिसभामा नेकपा एकीकृत समाजवादीका नेता प्रकाश ज्वाला, प्रदेश निर्वाचन (क)मा माओवादीका भीमप्रकाश शर्मा र (ख)मा कांग्रेसका सुरेश अधिकारीलाई उम्मेदवार बनाएको छ।
आफूहरूलाई पार्टीले अन्याय गरेको भन्दै शाहले गठबन्धनविरुद्ध उम्मेदवारी दिन बाध्य भएको बताए। शाहले पार्टी परित्यागसमेत गरेका छन्।
