- वि.सं २o७९ असोज ४ मंगलबार
सुजित बिडारीको निर्देशनमा बनेको फिल्म ‘ऐना झ्यालको पुतली’ ९५औँ संस्करणको ओस्कार अवार्डका लागि सिफारिसमा परेको छ । ओस्कारमा नेपालका तर्फबाट फिल्म सिफारिस गर्न गठित इन्टरनेसनल फिचर फिल्म कमिटीले यस फिल्मलाई सिफारिस गरेको हो ।
कमिटीको सर्ट लिस्टमा ‘प्रकाश’ र ‘राधा’ पनि परेका थिए । प्राविधिक पक्ष, कथ्यको प्रस्तुति, चरित्रहरूको भावनात्मक विश्लेषण तथा प्रस्तुतिको कलात्मक बनोट आदिलाई ध्यानमा राखेर ‘ऐना झ्यालको पुतली’लाई ओस्कारमा सिफारिस गरिएको कमिटीले जनाएको छ ।
‘ऐना झ्यालको पुतली’मा ०५० को दशकको ग्रामीण समाजको चित्रण गरिएको छ । बालकलाकार कञ्चन (लक्ष्मी) चिमरिया, दिनेश खत्री, विशाल चाम्लिङ राई, उमेश श्रेष्ठ र राज थापालगायतको अभिनय फिल्ममा छ ।
