मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेश
  • वि.सं २०७९ माघ २५ बुधबार
  • Wednesday, 08 February, 2023
नयाँ पत्रिका काठमाडौं
२०७९ असोज ३ सोमबार १४:२३:००
Read Time : < 1 मिनेट
मुख्य समाचार डिजिटल संस्करण

‘टुकुचा उत्खनन रोकिँदैन, रातारात काठमाडौं चेन्ज गर्नुपर्छ’  

Read Time : < 1 मिनेट
नयाँ पत्रिका, काठमाडौं
२०७९ असोज ३ सोमबार १४:२३:००

काठमाडौं महानगरपालिकाले टुकुचा उत्खनन अभियान जारी राख्ने भएको छ। 

महानगरपालिकाको टोलीले आज (सोमबार) हात्तीसार–कमलपोखरीको क्षेत्रमा उत्खनन प्रक्रिया जारी राखेको छ।

टुकुचा क्षेत्र अतिक्रमित गरेको भन्दै महानगरपालिकाले सम्भावित क्षेत्र पहिचान गरेर उत्खनन जारी राखेको छ। केही दिनअघि जय नेपाल सिनेमा हल परिसरमा महानगरले डोजर चलाएर भूमिगत अवस्थामा रहेको टुकुचा निकालेको थियो। 

उत्खननस्थलमा सञ्चारकर्मीहरूसँग कुरा गर्दै काठमाडौं महानगर नगरी प्रहरी बलका प्रमुख नगर उपरीक्षक राजु पाण्डेले महानगरपालिकाको आदेशमा नै टुकुचा उत्खनन गरेको बताए।
 
उनले महानगरपालिका विकासका लागि अघि बढिसकेको भन्दै अब काम गर्नका लागि पछि नहट्ने बताए। उनले कामनपा चीनको स्टाइलमा विकास गर्नका लागि अघि बढेको र रातारात काठमाडौं परिवर्तन गर्ने योजनामा रहेको जानकारी दिए। 
 
‘आदेश भएर नै हामी आएको हो । अब काम गर्न रोकिँदैन, अघि बढेपछि बढेको बढ्यै हो।महानगर चीनको देख्नुभएको छ ?’ उनले भने, ‘हामी चीनको महानगरको स्टाइलले अघि बढ्न चाहन्छौँ। त्यहाँ आज केही हुँदैन, तर भोलि अर्कै संरचना बनिसकेको हुन्छ। रातारात काठमाडौं चेन्ज गर्नुपर्छ । अब सुत्ने होइन, उठ्ने वेला हो।’

आइतबार टुकुचा खोलामाथि बनेका भौतिक संरचना नभत्काउन उच्च अदालत पाटनले आदेश काठमाडौं महानगरपालिकालाई आदेश दिएको थियो। 

काठमाडौं महानगरपालिकाले टुकुचा खोला मिचेर निर्माण गरेका संरचना डोजर लगाएर भत्काउन लागेपछि प्रेसिडेन्ट ट्राभल्स एन्ड टुर्स प्रालिको तर्फबाट भोलाविक्रम थापासमेतले दायर गरेको रिटमा उच्च अदालतले अन्तरकालीन आदेश जारी गरेको थियो । यद्यपि, महानगरले भने टुकुचा खोला उत्खननको प्रक्रिया अघि बढाएको छ।