- वि.सं २o७९ भदौ १० शुक्रबार
कपिलवस्तुको मायादेवी गाउँपालिकामा अज्ञात समूहले गोली प्रहार गरी एकजनाको हत्या गरेको छ । मायादेवी– ६ मदरहवाका अन्दाजी ५५ वर्षका घुरहु भन्ने रामसमुझ पासीको हत्या भएको हो ।
पासीका परिवारजनका अनुसार घरमै बसेका वेला दुई अज्ञात व्यक्तिले बोलाई मायादेवी गाउँपालिका– ५ को महादेव र बनकसियाबीचको सडकमा पु¥याएर गोली प्रहार गरेका थिए । गोली लागेर गम्भीर घाइते भएका पासीको उपचारका लागि तौलिहवास्थित कपिलवस्तु अस्पताल ल्याउने क्रममा मृत्यु भएको हो ।
कपिलवस्तु अस्पतालको इमरजेन्सीमा कार्यरत डा. खगेन्द्र चौधरीका अनुसार मृतकको बाया तीघ्रामा गोली लागेर छेडिएको छ । तीघ्रामा गोली लागेका उनको अत्यधिक रक्रश्रावका कारण मृत्यु भएको हुन सक्ने डा. चौधरीले बताए । घटनापछि संलग्नहरूको खोजतलास तीब्र बनाइएको कपिलवस्तुका प्रहरी प्रमुख एसपी प्रेमबहादुर बस्नेतले जानकारी दिए ।
