निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ असोज ११ मंगलबार
  • Tuesday, 27 September, 2022
नयाँ पत्रिका काठमाडाैं
२०७९ श्रावण २५ बुधबार १८:४१:००
Read Time : < 1 मिनेट
मुख्य समाचार डिजिटल संस्करण

फोहोर व्यवस्थापनका लागि सहयोग गर्न जापानसँग आग्रह गरेको छु : अध्यक्ष प्रचण्ड

Read Time : < 1 मिनेट
नयाँ पत्रिका, काठमाडाैं
२०७९ श्रावण २५ बुधबार १८:४१:००

नेकपा (माओवादी केन्द्र) का अध्यक्ष पुष्पकमल दाहाल प्रचण्डले आफ्नो जापान भ्रमणको क्रममा नेपालको फोहोर  व्यवस्थापनका लागि सहयोग गर्न जापानसँग आग्रह गरेको बताएका छन् । पाँचदिने जापान भ्रमणबाट बुधबार नेपाल फर्किने क्रममा त्रिभुवन विमानस्थलमा भ्रमणबारे प्रतिक्रिया दिँदै अध्यक्ष प्रचण्डले जापान भ्रमणका क्रममा लिबरल डेमोक्रेटिक पार्टी जापानका पूर्वमहासचिव, पूर्वअर्थ, व्यापार र उद्योगमन्त्री एवं नेपाल–जापान संसदीय समितिका सभापति तोसिहिरो निकाईसँगको भेटमा एकअर्काको सहयोगलाई अभिवृद्धि गर्ने कुरा भएको बताए । 

आफूले सो भेटमा नेपालको फोहोर व्यवस्थापनका लागि र ‘टनेल’का लागि जापानको सहयोग मागेको उनले बताए । जापानले नेपालमा कृषि, पर्यटन, पूर्वाधार निर्माणलगायतको क्षेत्रमा लगानी बढाउन पनि आफूले आग्रह गरेको उनले बताए । ‘फोहोर व्यवस्थापनमा हामीलाई तत्काल सहयोग चाहियो भन्ने कुरा पनि हामीले गर्यौँ । नागढुंगामा जापानकै सहयोगमा टनेल बन्दै छ । धेरै टनेलतिर हामी जान्छौँ । त्यसमा पनि जापानको विकास र प्रगति, टेक्नोलोजी हामीलाई चाहिन्छ,’ अध्यक्ष प्रचण्डले भने, ‘हाम्रो प्राथमिकता टुरिजम, एग्रिकल्चर, इलेक्ट्रिफिकेसन र इन्फास्ट्रक्चर यी कुरा गरियो र निकै राम्रो वातावरणमा विचारको आदान–प्रदान पनि भयो र एकअर्काको सहयोगलाई अभिवृद्धि गर्ने कुरा पनि राम्रो वातावरणमा भयो ।’

अध्यक्ष प्रचण्डले समग्रमा जापान भ्रमण राम्रो भएको प्रतिक्रिया दिए । भ्रमणका क्रममा जापानमा रहेका नेपालीहरू र जापानी अधिकारीहरूको पनि सक्रिय सहभागिता रहेको उनको भनाइ थियो । 

अध्यक्ष प्रचण्डले नागरिकता विधेयक प्रमाणीकरण गर्न राष्ट्रपतिले रोक्नु नहुने बताएका छन् । पाँचदिने जापान भ्रमणबाट बुधबार नेपाल फर्किने क्रममा त्रिभुवन विमानस्थलमा सञ्चारकर्मीहरूसँग कुराकानी गर्दै अध्यक्ष दाहालले नागरिकता विधेयक प्रमाणीकरण गर्न राष्ट्रपति विद्यादेवी भण्डारीले ढिलो गर्न नहुने बताएका  हुन् ।
सञ्चारकर्मीहरूको जिज्ञासाको संक्षिप्त जवाफ दिदैँ अध्यक्ष प्रचण्डले  भने, ‘राष्ट्रपतिजीले रोक्नुहुन्न भन्ने मलाई लाग्छ । र, ढिलो नहुनुपर्थ्याे ।’