- वि.सं २o७९ श्रावण ११ बुधबार
सोलुखुम्बुको सोलु–दूधकुण्ड नगरपालिका– ६ छुल्यामुस्थित अप्पर सोलु हाइड्रोपावरको ड्याम साइडमा महिलाको शव फेला परेको छ । सोलु–दूधकुण्ड नगरपालिका– २ की शशिकला राईको शव बुधबार सोलुखोलास्थित ड्याम साइडमा भेटिएको हो ।
जिल्ला प्रहरी कार्यालय सोलुखुम्बुका अनुसार राई गत असार २२ गते साँझ ७ बजेदेखि सोलु–दूधकुण्ड नगरपालिका– ४ फाप्लुस्थित डेराबाटै बेपत्ता बनेकी थिइन् । सडिसकेको अवस्थामा शव फेला परेको र कानमा रहेको रिङको आधारमा शव पहिचान भएको प्रहरी निरीक्षक रामकिशोर शाहले बताए ।
आयोजनाको ड्याम साइडमा मानिसको शव देखेपछि हाइड्रोपावरका प्राविधिकले प्रहरीलाई खबर गरेका थिए । शव पोस्टमार्टमका लागि जिल्ला अस्पताल फाप्लुको शवगृहमा राखिएको प्रहरीले जनाएको छ ।
