ट्रान्सफर्मर बिग्रिएपछि बुढानीलकण्ठ क्षेत्रमा विद्युत् आपूर्ति बन्द

Read Time : < 1 मिनेट

नयाँ पत्रिका, काठमाडौं

नयाँ पत्रिका

२o८१ बैशाख २४ सोमबार १२:३७:oo

बुढानीलकण्ठ नगरपालिकाको चपलीस्थित चपली सबस्टेसनको पावर ट्रान्सफर्मरमा समस्या आएपछि विद्युत् आपूर्ति बन्द भएको छ। सबस्टेसनमा रहेका १०–१० एमभिए क्षमताका तीनवटा ट्रान्सफर्मरमध्ये एउटामा बुधबार बिहान ५ बजेतिरबाट समस्या देखिएको छ।

ट्रान्सफर्मरमा समस्या आउँदा टोखा, मण्डीखाटार, बाँसबारी, धापासीहाइट, बुढानीलकण्ठ, तारेभिर, झोरलगायतका क्षेत्रमा विद्युत् आपूर्ति बन्द छ। उक्त ट्रान्सफर्मरबाट पाँचवटा फिडर निकाली ती क्षेत्रमा विद्युत् आपूर्ति हुँदै आएको थियो।

नेपाल विद्युत् प्राधिकरण महाराजगन्ज वितरण केन्द्र प्रमुख प्रज्ज्वलमान श्रेष्ठले सम्भव भएका स्थानमा अन्य सबस्टेसनबाट वैकल्पिक व्यवस्था गरी विद्युत् आपूर्ति गरिएको बताए । उनका अनुसार समस्या देखिएको ट्रान्सफर्मरलाई हटाएर जगेडामा रहेको ट्रान्सफर्मर जडान गर्न लागिएको छ।

#बुढानीलकण्ठ # विद्युत आपूर्ति