- वि.सं २o७९ असार ९ बिहीबार
माओवादी केन्द्रका अध्यक्ष प्रचण्डले देशको राजनीतिक धारलाई कता लैजाने भन्ने चाबी आफ्नो पार्टीको हातमा रहेको बताएका छन् । माओवादी पार्टीबाट निर्वाचित ललितपुरका जनप्रतिनिधिलाई बिहीबार प्रशिक्षण दिँदै प्रचण्डले स्थानीय तहको निर्वाचनले यसपटक फेरि त्यो पुष्टि गरेको दाबी गरे ।
‘हाम्रो काँधमा धेरै ठूलो जिम्मेवारी छ । गत निर्वाचनबाट पनि जनताले देशको राजनीतिक धारलाई कता लैजाने, कसरी अगाडि बढाउने भनेर हाम्रै हातमा तालाचाबी दिएका छन्,’ उनले भने, ‘त्यसैले हामीले अझ जिम्मेवार भएर जनताका आकांक्षा पूरा गर्नेतर्फ लाग्नु छ ।’
उनले जनयुद्धको क्रममा सबैभन्दा बढी त्याग र बलिदान भएका र आधार इलाका रहेका ठाउँमा मात्र नभई अन्यत्र पनि जनताले माओवादीलाई दिएको जनमतले यो सिद्ध भएको जिकिर गरे ।
