- वि.सं २o७९ जेठ १९ बिहीबार
सिटिजन्स बैंक इन्टरनेसनल लिमिटेडले सिटिजन्स मोबाइल बैंकिङ एपबाट रेमिट्यान्स सेवाको सुरुवात गरेको छ । बैंकले आफ्ना ग्राहकलाई डिजिटलमाध्यमको प्रयोग गरी विभिन्न सेवा–सुविधा प्रदान गर्ने क्रममा यो सुविधा ल्याएको हो ।
यो सुविधा सुरु भएपछि बैंकका ग्राहकले नेपालभरि आन्तरिक विप्रेषण पठाउन तथा प्राप्त गर्न, साथै विदेशबाट पठाएको पैसा सिटिजन्स मोबाइल बैंकिङ एप प्रयोग गरी देशको जुनसुकै स्थानमा प्राप्त गर्न सक्ने जनाएको छ ।
ग्राहकले बैंक खातामा सोझै रकम जम्मा गर्न वा बैंकको कुनै पनि शाखा तथा १२ हजारभन्दा बढी एजेन्ट वा सबएजेन्टबाट नगद नै प्राप्त गर्न मिल्ने सुविधा रहेको जनाइएको छ ।
