- वि.सं २o७९ जेठ १६ सोमबार
नेपाली कांगेसका सांसद प्रकाशमान सिंहले निजगढ अन्तर्राष्ट्रिय विमानस्थल बनाउन नसकेमा राज्यको लगानी खेर जाने बताएका छन्। सोमबार अन्तर्राष्ट्रिय सम्बन्ध समितिको बैठकमा सांसद सिंहले विमानस्थल बनाउन नसके ठूलो मूल्य चुकाउनुपर्ने बताएका हुन्।
यसका लागि आवश्यक परे सर्वदलीय सहमति गरेर र कानुन संशोधन गरेर भए पनि काम गर्नुपर्ने उनले बताए।
‘नेपालको आर्थिक विकासमा निजगढ एयरपोर्टलाई बनाउन नसकेमा धेरै ठूलो मूल्य चुकाउनुपर्छ। सबै दल र जनप्रतिनिधिले गम्भीरताका साथ सोच्नुपर्छ। बनाउनका लागि सर्वदलीय रूपमा पारित गरेर भए पनि, कानुनमा संशोधन गर्नुपरे तापनि गरेर अगाडि जानुपर्छ, समय खेर नफाली,’ उनले बताए।
