- वि.सं २o७९ जेठ १३ शुक्रबार
रुपन्देहीको भलबारीस्थित नेपाल आयल निगमको डिपोमा दुई ट्यांकरमा आगलागी भएको छ। लुम्बिनी प्रादेशिक कार्यालयभित्रको डिपोबाट डिजेल लोड गरेर निस्कने क्रममा लु.२ख २६५६ र लु.२ख ५६८५ नम्बरको ट्यांकरमा आगलागी भएको हो। अहिले आगो नियन्त्रणमा आइसकेको छ।
तिलोत्तमा, बुटवल र भैरहवाबाट गएका दमकलले आगो नियन्त्रणमा लिएका जिल्ला प्रहरी कार्यालय रुपन्देहीका डिएसपी नवरत्न पौडेलले जानकारी दिए। आगो कसरी लाग्यो भन्ने विषयमा अनुसन्धान भइरहेको प्रहरीले जनाएको छ। डिजेल र पेट्रोल लोड गरेर बाहिर निस्किने क्रममा आगलागी हुँदा दुईवटा ट्यांकरमा पूर्ण क्षति भएको छ।
