- वि.सं २o७९ जेठ २ सोमबार
दैलेखको भैरवी गाउँपालिकाको अध्यक्ष उपाध्यक्ष पदमा नेपाली कांग्रेसले विजयी हासिल गरेको छ । दुवै पदमा महिला उम्मेदवार विजयी भएका छन् । नेपाली कांग्रेसको तर्फबाट उम्मेदवार रिता शाही र उपाध्यक्षमा कांग्रेसकै उम्मेदवार देवी भण्डारी विजयी भएका हुन् । कांग्रेसकी रिता शाहीले नेकपा एमालेका सर्वराज महतारालाई १६ मतले पछि पार्दै विजयी भएकी छिन् ।
गाउँपालिका अध्यक्षमा विजयी शाहीले तीन हजार नौ सय ७६ मत प्राप्त गरेकी छिन् । नेकपा एमालेका सर्वराज महताराले तीन हजार नौ सय ६० मत ल्याउँदै पराजित भएका छन् । भैरवी गाउँपालिकाको उपाध्यक्षमा नेपाली कांग्रेसका देवी भण्डारी विजयी भएकी छिन् । भण्डारीले एमालेको तर्फबाट उपाध्यक्षका उम्मेदवार पदमकुमारी विष्टको भन्दा एक हजार ४७ बढी मत प्राप्त गर्दै विजयी भएकी हुन् ।
कांग्रेसबाट उपाध्यक्षमा विजयी भण्डारीले तीन हजार तीन सय ७४ मत प्राप्त गरेकी छिन् भने एमालेको तर्फबाट उपाध्यक्षका उम्मेदवार पदमकुमारी विष्टले तीन हजार दुई सय २७ मत प्राप्त गर्दै पराजित भएकी हुन् । उपप्रमुखमा माओवादी केन्द्रका ऐनबहादुर कठायतले पाँच सय आठ मत पाएका छन् । सातवटा वडा रहेको भैरवी गाउँपालिकामा नेकपा एमालेले ५ वडामा विजयी भएको छ भने २ वडामा नेपाली कांग्रेस विजयी भएको छ ।
