- वि.सं २o७९ बैशाख ३० शुक्रबार
हुम्लाको चंखेली गाउँपालिका- २ को महादेव मावि मतदानस्थलमा झडप भएको छ। गठबन्धन र स्वतन्त्र पक्षबीच झडप हुँदा ३ जना घाइते भएका छन्। मतदान अधिकृत कृष्णप्रसाद आचार्य, कार्यालय सहयोगी काला रावत र अर्का स्थानीय लीला शाही घाइते भएका छन्। उनीहरूको स्थानीय प्राथमिक चौकीमा उपचार भइरहेको छ।
झपडले उग्र रूप लिएपछि सशस्त्र प्रहरीले ८ राउन्ड गोली प्रहार गरेको प्रमुख जिल्ला अधिकारी सीता परियारले जानकारी दिइन्। मतदान केही बेर रोकिएको प्रजिअ परियारले बताइन्। मतदान केन्द्रमा थप सुरक्षाकर्मी खटाइएको छ।
