- वि.सं २o७८ चैत २६ शनिबार
काठमाडौंको नाङ्लेबजारमा ट्रिपर दुर्घटना हुँदा एकजनाको मृत्यु भएको छ। शङ्खरापुर नगरपालिका–१ नाङ्लेबजारमा बा ४ ख ६३७९ नम्बरको ट्रिपर दुर्घटना हुँदा धादिङको थाँक्रे गाउँपालिका–७ का २० वर्षीय किरण बाँस्कोटाको गएराति मृत्यु भएको हो।
ट्रिपर सडकबाट १०० मिटर तल खसेको र ट्रिपरले नै किचेर बाँस्कोटाको मृत्यु भएको प्रहरीले जनाएको छ। बाँस्कोटा ट्रिपरका सहचालक हुन् । रासस
