- वि.सं २o७८ चैत १४ सोमबार
त्रिदेशीय अन्तर्राष्ट्रिय टी–ट्वान्टी सिरिजमा घरेलु टोली नेपालले विजयी सुरुवात गरेको छ । सोमबार भएको खेलमा नेपालले पपुवा न्युगिनी (पिएनजी)लाई १५ रनले हराएको हो ।
कीर्तिपुरस्थित त्रिभुवन विश्वविद्यालयको मैदानमा सम्पन्न खेलमा नेपालले दिएको १८४ रनको लक्ष्य पछ्याएको पिएनजीले १९.२ ओभरमा सबै विकेट गुमाएर एक सय ६८ रन मात्र जोड्दा नेपालले १५ रनको जित निकालेको हो । जवाफी ब्याटिङ गरेको पिएनजीका लागि नोर्मान भानुआले सर्वाधिक ५२ रन बनाएका थिए ।
यस्तै, सेसे बाउले ३०, चाल्र्स एमिनीले २२, लेगा सिएकाले २१ र नोर्मान भानुआले १९ रन बनाए । पिएनजीविरुद्ध किफायती बलिङ गरेका सन्दीप र करण केसीले समान तीन विकेट लिए ।
सन्दीपले चार ओभर बलिङमा २२ रन खर्चिँदा करनले ४४ रन खर्चिएका थिए । अविनाश बोहराले दुई र सोमपाल कामीले एक विकेट लिएका थिए ।
यसअघि टस हारेर ब्याटिङ गरेको नेपालले निर्धारित २० ओभरमा नौ विकेट गुमाएर १ सय ८३ रन बनाएको थियो । नेपालका ओपनर आसिफ शेखले सर्वाधिक ४३ रन बनाएका थिए । ३५ बलमा आसिफले ५ चौका र १ छक्का प्रहार गरेका थिए ।
यसअघिको दुई एक दिवसीय सिरिजमा नेपाल पिएनजीसँग २–० ले पराजित भएको थियो ।
नेपालले दोस्रो खेलमा बुधबार मलेसियासँग प्रतिस्पर्धा गर्नेछ । सिरिजमा नेपाल, पिएनजी र मलेसियाको सहभागिता रहेको छ ।
सिरिजअन्तर्गत नेपालले पिएनजी र मलेसियाविरुद्ध दुई–दुई खेल खेल्नेछ ।
