रेखा थापासहित १४ जना राप्रपाको केन्द्रीय सदस्यमा मनोनीत

राप्रपाका अध्यक्ष राजेन्द्र लिङ्देनले पार्टीको विधानबमोजिम १४ जनालाई केन्द्रीय कार्यसमितिको सदस्य पदमा मनोनयन गरेका छन्। केन्द्रीय सदस्यमा मनोनीत हुनेहरूमा रेखा थापालगायत छन्। थापा एकता महाधिवेशनमा महामन्त्रीमा पराजित बनेकी थिइन्। 

मनोनीत केन्द्रीय सदस्यहरूमा लीलादेवी श्रेष्ठ इलाम, विन्दु पौडेल नवलपुर, रेखा थापा काठमाडौं, प्रेक्षा मल्ल धनुषा, मीना झा सर्लाही, सन्तोषी शाही ठकुरी सुर्खेत, स्वाती थापा रुपन्देही, पुष्पा रजौरिया कपिलवस्तु, लक्ष्मी तण्डुकार काठमाडौं, समृद्धि राणा उदयपुर, मीना न्यौपाने चितवन, शान्तिमाया गुरुङ धादिङ, जयाकुमारी महतो सप्तरी र सावित्रा थापा काठमाडौं रहेका छन्।