- वि.सं २o७८ फाल्गुण १० मंगलबार
हालसम्म ११ हजार नौ सय २५ संक्रमितको मृत्यु
पछिल्लो साता कोरोना संक्रमणदर निरन्तर घटिरहेको छ । अस्पताल जाने संक्रमितको संख्या पनि कम छ । तर, काठमाडौं उपत्यकाका ११ अस्पतालमा अझै कोरोनाका एक सय ५१ बिरामी उपचाररत छन् । यीमध्ये ७० बिरामी आइसियू र १६ भेन्टिलेटरमा छन् ।
कोरोनाका तीन लहरमा हालसम्म ११ हजार नौ सय २५ संक्रमितको मृत्यु भएको छ । सबैभन्दा धेरै बागमतीमा ५१ सय ५६ को मृत्यु भएको छ । त्यसपछि क्रमशः लुम्बिनीमा १८ सय ६०, प्रदेश १ मा १७ सय १२, गण्डकीमा १४ सय २२, मधेसमा ७८५, सुदूरपश्चिममा ५०८ र कर्णालीमा ४८२ को मृत्यु भएको छ ।
