- वि.सं २o७८ माघ १२ बुधबार
सहरी विकासमन्त्री रामकुमारी झाँक्रीले पत्रकार एलबी विश्वकर्माको परिवारलाई सहयोग गरेकी छिन्। मन्त्री झाँक्रीले आफ्नो आधा महिनाको तलब विश्वकर्माकी श्रीमतीको अछाममा रहेको नबिल बैंकको खातामा ट्रान्सफर गरी सहयोग गरेको उनको सचिवालयले जनाएको छ।
मन्त्री झाँक्रीकी प्रेस संयोजक कान्ति न्यौपानेका अनुसार उनले ३२ हजार रुपैयाँ विश्वकर्माकी श्रीमतीको अछाममा रहेको नबिल बैंकको खातामा ट्रान्सफर गरी सहयोग गरेकी हुन्। मन्त्री झाँक्रीले अस्पतालको लापरबाही र आर्थिक अभावकै कारण मृत्यु भएको विषय बाहिरिएकाले यसबारे सत्यतथ्य बाहिर आउनुपर्नेमा समेत जोड दिएको सचिवालयले जनाएको छ। टिभी टुडेमा कार्यरत २४ वर्षीय पत्रकार विश्वकर्माको गत बिहीबार बिहान पाटन अस्पतालमा मृत्यु भएको थियो।
