- वि.सं २o७८ पौष २० मंगलबार
ललितपुर क्षेत्रका मठ मन्दिरबाट ऐतिहासिक मूर्ति चोरी गर्ने दुईजनालाई ललितपुर प्रहरीले पक्राउ गरेको छ । पक्राउ पर्नेमा सामाखुसी बस्ने २३ वर्षीय नेसनल योञ्जन र ४५ वर्षीय सानुलाल महर्जन रहेका छन्। उनीहरूले ललितपुरको टौखेलमा रहेको पञ्चायन मन्दिरबाट ढुंगामा कुँदिएको बुद्धको मूर्ति र बंगलामुखी मन्दिर परिसरबाट नारायणको मूर्ति चोरी गरेका थिए।
उनीहरूमाथि ५ दिनको म्याद थप गरी अनुसन्धान भइरहेको ललितपुर प्रहरीले जनाएको छ। उनीहरूको साथबाट कुम्भेश्वरस्थित बंगलामुखी मन्दिरअगाडि रहेको मिसाहिटीको ढुंगेधारामाथि रहेको नारायणको मूर्ति र टौखेलस्थितमा रहेको पञ्चायन मन्दिरबाट चोरी भएको ढुंगामा कुँदिएको बुद्धको मूर्ति बरामद गरिएको छ।
