- वि.सं २o७८ पौष १८ आइतबार
नेपाली कांग्रेसका सभापति शेरबहादुर देउवाले प्रदीप पौडेलसहित थप तीनजनालाई केन्द्रीय कार्यसमिति सदस्यमा मनोनीत गरेका छन् । कांग्रेस मुख्य सचिव कृष्णप्रसाद पौडेलले आइतबार एक विज्ञप्ति जारी गर्दै सभापति देउवाले प्रदीप पौडेल, कल्याणकुमार गुरुङ र जीवनबहादुर शाहीलाई केन्द्रीय सदस्यमा मनोनीत गरेका जानकारी दिएका हुन्
मनोनीत हुने तीनैजना १४औँ महाधिवेशनमा पदाधिकारीमा पराजित भएका थिए । नेता पौडेल देउवा प्यानलबाट महामन्त्रीमा र शाही सहमहामन्त्रीमा पराजित भएका थिए । गुरुङ भने सभापतिको पहिलो चरणको निर्वाचनमा सभापतिको उम्मेदवार थिए ।
सभापतिले केन्द्रीय कार्यसमितिमा ३३ जना मनोनीत गर्न पाउने व्यवस्था कांग्रेसको विधानमा छ । सोही व्यवस्थाअनुसार देउवाले शनिबार नेता रामचन्द्र पौडेलसहित १० जनालाई केन्द्रीय सदस्य मनोनीत गरेका थिए ।
