निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ जेठ १३ शुक्रबार
  • Friday, 27 May, 2022
सोनी राई सोलुखुम्बु
२०७८ मङ्सिर १६ बिहीबार ०७:३६:००
Read Time : < 1 मिनेट
समाचार डिजिटल संस्करण

सोलुखुम्बु कांग्रेस सभापतिमा नाम्गेल शेर्पा विजयी

Read Time : < 1 मिनेट
सोनी राई सोलुखुम्बु
२०७८ मङ्सिर १६ बिहीबार ०७:३६:००

कांग्रेस सोलुखुम्बुको सभापतिमा नाम्गेल जाङबु शेर्पा निर्वाचित भएका छन् । दोस्रो चरणको निर्वाचनमा सभापतिका निकटतम प्रतिस्पर्धी विनोद बस्नेतलाई फराकिलो मतान्तरले हराउँदै शेर्पा कांग्रेसको जिल्ला सभापतिमा विजयी भएका हुन् ।

सोलुदुधकुण्ड नगरपालिकाका मेयर समेत रहेका शेर्पाले ५१३ मत ल्याउँदा बस्नेतले ३७१ मत ल्याएका छन् । मंगलबार भएको दोस्रो चरणको निर्वाचनमा ८९७ मत खसेको थियो । ९२३ क्षेत्रिय प्रतिनिधि रहेको सोलुखुम्बुमा पहिलो चरणको निर्वाचनमा ८८३ मत खसेको थियो । सभापति मात्र चयनका लागि भएको दोस्रो चरणको निर्वाचनमा १५ मत बढि खसेको छ । पहिलो चरणमा बस्नेतले ४२८ मत ल्याउदा शेर्पाको पक्षमा सदर मत ४१८ रहेको थियो ।

बाँकी मत बदर भएको थियो । दुई वा त्यो भन्दा बढि उम्मेदवार भएको निर्वाचनमा खसेको मतको ५० प्रतिशत मत कसैको नआए पुनः निर्वाचन गर्नुपर्ने कांग्रेसको विधान अनुसार मंगलबार पुनःनिर्वाचन भएको हो । 

पहिलो चरणको निर्वाचनमा उम्मेदवार बनेका कांग्रेस नेता राम बहादुर बस्नेतले यो निर्वाचनमा उम्मेदवार शेर्पालाई समर्थन गरेका थिए । जिल्ला कार्यसमितिका अन्य पदाधिकारी र सदस्यहरु यसअघि नै निर्वाचित भइसकेका छन् ।