- वि.सं २o७८ कार्तिक १७ बुधबार
सहरी विकासमन्त्री रामकुमारी झाँक्री वीर अस्पतालबाट डिस्चार्ज भएकी छिन् । एक साताको उपचारपछि उनी बुधबार अस्पतालबाट डिस्चार्ज भएकी हुन् ।
संक्रमणको उच्च जोखिम कायम रहेको भन्दै उनले चिकित्सकको सल्लाहअनुसार अझै केही दिन भेटघाट गर्न असमर्थ रहेको जनाएकी छिन् । छातीमा निमोनिया संक्रमण भएपछि उनी एक हप्ताअघि अस्पताल भर्ना भएकी थिइन् ।
डिस्चार्ज भएपछि उनले सामाजिक सञ्जालमार्फत उपचारमा संलग्न चिकित्सक एवं स्वास्थ्यकर्मीहरू, अस्पताल प्रशासन, सुरक्षाकर्मी, मन्त्रालयका कर्मचारीलगायत स्वास्थ्यलाभको कामना गर्ने सबैप्रति आभार प्रकट गरेकी छिन् ।
