मुख्य समाचार डिजिटल संस्करण

‘मिस ह्यान्डलिङ' हुँदा सिंहदरबारमा गोली चल्यो

राष्ट्रिय सभाकी उपाध्यक्ष शशीकला दाहालकी पिएसओले बोकेको पेस्तोल भुइँमा खस्दा सिंहदरबारमा गोली चलेको छ। असइ अनुपमा भारतीले बोकेको पेस्तोल भुइँमा खस्दा गोली चलेको हो।

अपराह्नको करिब ५ बजे असइ भारतीले बोकेको पेस्तोल कम्मरबाट भुइँमा खसेको थियो। झुक्किएर पेस्तोल भुइँमा खस्दा गोली चलेको महानगरीय प्रहरी परिसर काठमाडौंका प्रवक्ता रमेश बस्नेतले जानकारी दिए। उनका अनुसार गोली चल्दा कुनै क्षति भने भएको छैन। ‘मिस ह्यान्डलिङ भएर गोली चलेको हो, यसबारेमा हामीले बुझिसकेका छौँ,’ उनले भने।