ककपिटमा धुवाँ देखिएपछि पोखराका लागि उडेको बुद्ध एयरको जहाज काठमाडौं फिर्ता

Read Time : < 1 मिनेट

नयाँ पत्रिका, काठमाडौं

नयाँ पत्रिका

२o८१ बैशाख ३१ सोमबार १३:o६:oo

ककपिटमा धुवाँ देखिएपछि पोखराका लागि काठमाडौंबाट उडेको बुद्ध एयरको जहाज काठमाडौं फिर्ता भएको छ। यू ६०१–९ एनएजेओ जहाज पोखरा नपुगी काठमाडौंतर्फ नै फिर्ता भएको हो।

उक्त जहाज बिहान साढे ७ बजे काठमाडौंबाट पोखराका लागि उडेको थियो । अचानक जहाजको ककपिटबाट धुवाँ आउन थालेपछि पाइलटले जहाजलाई काठमाडौंतिर मोडेका थिए । जहाजले त्रिभुवन अन्तर्राष्ट्रिय विमानस्थलमा सामान्य अवतरण गरेको छ। ल्यान्ड गर्नुअघि केही समय जहाजलाई आकासमा होल्ड गरिएको थियो ।

#वुद्ध एयर # जहाज