१८औँ वार्षिकोत्सव विशेषांकफ्रन्ट पेजमुख्य समाचारसमाचारनयाँ यात्रा २०२५दृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २o७८ भदौ ३१ बिहीबार
  • Sunday, 06 July, 2025
नयाँ पत्रिका काठमाडौं
२o७८ भदौ ३१ बिहीबार १६:१४:oo
Read Time : < 1 मिनेट
मुख्य समाचार डिजिटल संस्करण

संवैधानिक इजलास रोक्ने आदेशविरुद्धको रिट हेर्न नभ्याइनेमा 

Read Time : < 1 मिनेट
नयाँ पत्रिका, काठमाडौं
नयाँ पत्रिका
२o७८ भदौ ३१ बिहीबार १६:१४:oo

संवैधानिक नियुक्तिसम्बन्धी मुद्दामा संवैधानिक इजलासको सुनुवाइ रोक्ने सर्वोच्च अदालतको अन्तरिम आदेशविरुद्धको रिट हेर्न नभ्याइनेमा राखेको छ। बिहीबार वरिष्ठ अधिवक्ता दिनेश त्रिपाठीले दर्ता गराएको रिटलाई हेर्न नभ्याइनेमा राखेको हो। रिटमाथि न्यायाधीश बमकुमार श्रेष्ठको एकल इजलासमा सुनुवाइ तोकिएको थियो। त्रिपाठीको रिटमा सुनुवाइ रोक्ने आदेशले न्यायसम्बन्धी हकमा अवरोध पुगेकाले सुनुवाइ सुचारु गर्न आदेश माग गरिएको छ।  

त्रिपाठीले न्यायाधीश हरिप्रसाद फुँयालको एकल इजलासले संवैधानिक नियुक्तिबारेको मुद्दामा संवैधानिक इजलासमा भइरहेको सुनुवाइ रोक्ने अन्तरिम आदेशविरुद्ध बुधबार रिट दर्ता गराएका थिए। न्यायाधीश फुँयालको आदेशमा प्रधानन्यायाधीशको अनुपस्थितिमा वरिष्ठतम् न्यायाधीशबाट इजलास सञ्चालन हुन सक्ने या नसक्नेबारे निर्क्योल नभएसम्म मुद्दाको सुनुवाइ अगाडि नबढाउन अन्तरिम आदेश जारी गरेको थियो।

संवैधानिक नियुक्तिबारेको मुद्दाको सुनुवाइका क्रममा परिषद् सदस्यका रूपमा प्रधानन्यायाधीश आफैँ संलग्न भएर नियुक्ति सिफारिस गरेकाले इजलासमा बस्न नमिल्ने भन्दै प्रश्न उठेको थियो। प्रश्न उठेपछि प्रधानन्यायाधीश चोलेन्द्रशमशेर जबराले सुनुवाइको सुरु र अन्त्यमा आफू बिदामा बस्ने र इजलासमा सहभागी नहुने निर्णय गरेका थिए। सर्वोच्चको आदेशपछि इजलासको सुनुवाइ रोकिन पुगेको छ।