- वि.सं २o७८ भदौ २ बुधबार
महन्थ ठाकुर पक्षले निर्वाचन आयोगमा दल दर्ताका लागि निवेदन दिएको जनता समाजवादी पार्टी नेपाल (लोकतान्त्रिक)मा एक अध्यक्ष, एक वरिष्ठ नेतासहित २४ सदस्यीय केन्द्रीय कमिटी रहने भएको छ । ठाकुर अध्यक्ष, राजेन्द्र महतो वरिष्ठ नेता र २२ नेता केन्द्रीय सदस्य रहने गरी नयाँ दलका लागि निर्वाचन आयोगमा निवेदन दर्ता भएको छ ।
ठाकुर पक्षले जनता समाजवादी पार्टीको आधिकारिकता दाबी गर्दै आए पनि निर्वाचन आयोगले उपेन्द्र यादव पक्षलाई आधिकारिकता दिएको थियो । निर्वाचन आयोगको निर्णयविरुद्ध ठाकुर पक्ष सर्वोच्च अदालतसमेत गएको थियो । तर, सर्वोच्चले ठाकुरको मागबमोजित अन्तरिम आदेश दिएन ।
सरकारले दल विभाजनसम्बन्धी अध्यादेश ल्याएपछि ठाकुर पक्षलाई नयाँ दल दर्ता गर्ने बाटो खुलेको हो ।
यी हुन् प्रस्तावित जसपा लोकतान्त्रिकका केन्द्रीय नेता
