- वि.सं २o७८ श्रावण २२ शुक्रबार
मकर जितुमाया सुरी हाइड्रोपावर लिमिटेडले प्रभु क्यापिटल लिमिटेडलाई सेयर निष्कासन तथा बिक्री प्रबन्धकमा नियुक्त गरेको छ । मकर जितुमाया सुरी हाइड्रोपावरको साधारण सेयर निष्कासन तथा बिक्रीका लागि दुई कम्पनीबीच सम्झौता भएको हो ।
सम्झौतामा हाइड्रोपावरका कार्यकारी अध्यक्ष हिमाल गुरुङ र क्यापिटलका प्रबन्ध निर्देशक दिनेश थकालीले हस्ताक्षर गरेको जनाइएको छ । कम्पनीले साधारण सेयर निष्कासनका लागि कुल जारी पुँजी ७६ लाख कित्ताको ३० प्रतिशत अर्थात् २२ लाख ८० हजार कित्ता साधारण सेयर निष्कासन गर्न लागेको हो ।
यसमध्ये आयोजना प्रभावित स्थानीयका लागि ७ लाख ६० हजार कित्ता र सर्वसाधारणका लागि १५ लाख २० हजार कित्ता सेयर निष्कासन गर्नेछ । कम्पनीले निर्माण गरिरहेको आयोजनामा डोल्मा इम्प्याक्ट फन्डको समेत लगानी रहेको जनाइएको छ ।
