- वि.सं २o७८ असार २९ मंगलबार
खेत जोतेर फर्किएको ट्याक्टर दुर्घटना हुँदा दुईजनाको ज्यान गएको छ । जिल्लाको देवाही-गोनाही नगरपालिका– ४ स्थित लालबकैया नदीको बाँधमा सोमबार राति ना.४त १५०७ नम्बरको ट्याक्टर ११:५५ बजेको समयमा दुर्घटना भएको थियो ।
चारजना सवार उक्त ट्याक्टरमा कवीन्द्र पटेल र गोविन्दा पटेलको घटनास्थलमै मृत्यु भएको प्रहरीले जनाएको छ । दुर्घटनामा घाइते भएका राकेश पटेलको अवस्था पनि गम्भीर रहेको र उनलाई थप उपचारका लागि वीरगन्ज पठाइएको प्रहरीले जनाएको छ ।
ट्याक्टर अनियन्त्रित भएर दुर्घटना हुँदा दुई पटेलद्वयको सोही ट्याक्टरले च्यापिएर मृत्यु भएको जिल्ला प्रहरी कार्यलय रौतहटका एसपी सिद्धिविक्रम शाहले जानकारी दिए ।
