- वि.सं २o८१ बैशाख २४ सोमबार
सर्वोच्च अदालतले मंगलबारदेखि भर्चुअल बहसको सुरुवात गरेको छ । न्यायाधीश अनिलकुमार सिन्हाको इजलासबाट यसको सुरुवात भएको छ । मंगलबार उनले ६ वटा बन्दीप्रत्यक्षीकरणको रिटको सुनुवाइ गरेका थिए ।
सर्वोच्चको चालू पञ्चवर्षीय रणनीतिक योजनामा पनि न्यायपालिकालाई प्रविधिमैत्री बनाउने उल्लेख छ । अझ कोरोना महामारीको समयमा संक्रमणको जोखिम घटाउन भर्चुअल बहसको सुरुवात गरिएको सहप्रवक्ता देवेन्द्र ढकालले बताए ।
कानुन व्यवसायीले आफ्नै फर्म, चाहेको स्थानबाट वा सर्वोच्चकै सञ्चार कक्षबाट बहस गर्न सक्नेछन् । सुरुवाती चरणमा एउटा मात्र बेन्चबाट यसको सुरुवात गर्ने र बिस्तारै यसलाई व्यवस्थित र विस्तार गर्दै लगिने सहप्रवक्ता ढकालको भनाइ छ ।
