मुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियाखेलकुदविश्वप्रवासकोरोना अपडेटकर्नर किकसम्पादकीयस्वास्थ्य र जीवनशैली१३औँ वार्षिकोत्सव विशेषांकफिचरलाेकसेवा१४औँ वार्षिकोत्सव विशेषांकप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०१९टर्निङ प्वाइन्ट्स-२०२०प्रदेशब्लगEnglishटर्निङ प्वाइन्ट्स-२०२१
  • वि.सं २०७८ जेठ ३० आइतबार
  • Sunday, 13 June, 2021
नयाँ पत्रिका विराटनगर
२०७७ चैत ३१ मंगलबार ०७:४१:००
Read Time : < 1 मिनेट
खेलकुद प्रिन्ट संस्करण

विराट गोल्डकप : पुलिसलाई हराउँदै एपिएफ सेमिफाइनलमा

Read Time : < 1 मिनेट
नयाँ पत्रिका, विराटनगर
२०७७ चैत ३१ मंगलबार ०७:४१:००

विराट गोल्डकप फुटबल प्रतियोगिताको सोमबार सम्पन्न तेस्रो क्वार्टरफाइनल खेलमा नेपाल पुलिसलाई पराजित गर्दै एफिएफ टिम सेमिफाइनलमा प्रवेश गरेको छ । विराटनगरस्थित सहिद रंगशालामा सोमबार भएको तेस्रो क्वार्टरफाइनलमा नेपाल पुलिसलाई २–० गोलअन्तरले पराजित गर्दै एफिएफ सेमिफाइनलमा प्रवेश गरेको हो । 

खेलमा एपिएफका खेलाडी मणिलालले दोस्रो हाफमा पहिलो गोल गरेर टिमलाई अग्रता दिलाएका थिए । अन्तिम समयमा एपिएफकै खेलाडी अशिष लामाले दोस्रो गोल गरेर टिमको जित सुनिश्चित गरेका थिए । 

जितसँगै एपिएफले १ वैशाखमा हुने पहिलो सेमिफाइनल खेलमा घरेलु टिम विराटनगर ११ सँग प्रतिस्पर्धा गर्नेछ । सोमबारको खेलामा दुवै टिम आक्रामक देखिए पनि डिफेन्स लाइनको कमजोरीमा नेपाल प्रहरी पछि प¥यो । खेलको ४६औँ मिनेटमा एपिएफका मणि लामा र ९०औँ मिनेटमा सुमन लामाले गोल गरी टिमको जित सुनिश्चित गरेका थिए ।

पहिलो हाफ प्रहरीका लागि निकै संघर्षपूर्ण बन्यो । प्रहरीले केही उत्कृष्ट अवसर सिर्जना गरे पनि गोलमा परिणत हुन नसक्दा पहिलो हाफसम्म दुवै टिमको गोलरहित खेल बराबरी भयो ।  खेलको म्यान अफ दी म्याच एपिएफका मणि लामा घोषित भए । उनले नगद १० हजार रुपैयाँ प्राप्त गरेका छन् । सशस्त्र प्रहरीका प्रशिक्षक सुदीप श्रेष्ठले खेलाडीहरूको मिहिनेतका कारणले विभागीय टिमलाई हराएको बताए । 

प्रहरीका प्रशिक्षक अन्नतराज थापाले डिफेन्डरका कारणले गर्दा हार भएको बताए । आयोजकका अनुसार मंगलबारको अन्तिम सेमिफाइनल खेल संकटा क्लब र अफ्रिका क्यारुनबीच हुनेछ ।