- वि.सं २o७७ फाल्गुण १९ बुधबार
सरकार र विप्लव नेतृत्वको नेकपाको वार्ता टोलीबीच प्रधानमन्त्रीनिवास बालुवाटारमा औपचारिक वार्ता सुरु भएको छ ।
दुवै वार्ता टोलीबीच केहीबेर अघिदेखि छलफल सुरु भएको बालुवाटार स्रोतले पुष्टि गरेको छ । मंगलबार वार्ता टोली सार्वजनिक गरेका दुवै पक्षबीच बिहानैदेखि अनौपचारिक छलफलपश्चात् वार्ता सुरु भएको हो ।
वार्ताका लागि प्रकाण्ड नेतृत्वको नेकपाको टोली मंगलबार काठमाडौं आइपुगेको थियो । सरकारी वार्ता टोलीमा संयोजक गृहमन्त्री रामवहादुर थापा बादल र प्रधानमन्त्रीका परराष्ट्र सल्लाहकार डा. राजन भट्टराई सदस्य छन् भने नेकपाकाे वार्ता टोलीमा संयोजक खड्गबहादुर विश्वकर्मा प्रकाण्ड र उदय चलाउने सदस्य छन् ।
