सभामा दुई लाख मानिसको सहभागिता रहने लुम्बिनी प्रदेशका मुख्यमन्त्री शंकर पोखरेलकाे दाबी
बुटवलमा आज ओली नेतृत्वको नेपाल कम्युनिष्ट पार्टी (नेकपा) ले विशाल जनसभा गर्दै छ । जनसभामा प्रधानमन्त्री तथा पार्टी अध्यक्ष केपी शर्मा ओलीले सम्बोधन गर्ने कार्यक्रम रहेको छ ।
ओली समूहका स्थायी कमिटी सदस्य तथा लुम्बिनी प्रदेशका मुख्यमन्त्री शंकर पोखरेलले सभामा दुई लाख मानिसको सहभागिता रहने दाबी गरेका छन् ।
बुटवलस्थित सिद्देश्वरी माविको प्रांगणमा हुने सभामा प्रधानमन्त्री ओली, महासचिव तथा अर्थमन्त्री विष्णु पौडेललगायतका नेताहरुले सम्बोधन गर्ने कार्यक्रम रहेको आयोजकले जानकारी दिएको छ ।
बुटवलको सभालाई ओली समूहले आफ्नो शक्ति प्रदर्शनको रुपमा लिएको छ । मुख्यमन्त्री पोखरेलले भने ‘हाम्रो याे आन्दोलन होइन । जनमत प्रकट गर्ने कुरा हो । हामी त्यसैका लागि सभा सम्मेलन गर्दै आइरहेका छौं ।’
सभा सुरू हुनुअघि बुटवलमा विशाल जनप्रदर्शन गरिने पोखरेलले बताए । सभामा लुम्बिनी प्रदेश लगाएतका जिल्लाबाट कार्यकर्ता आउने क्रम जारी छ ।