मुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियाखेलकुदविश्वप्रवासकोरोना अपडेटकर्नर किकसम्पादकीयस्वास्थ्य र जीवनशैली१३औँ वार्षिकोत्सव विशेषांकफिचरलाेकसेवा१४औँ वार्षिकोत्सव विशेषांकप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०१९टर्निङ प्वाइन्ट्स-२०२०प्रदेशब्लगEnglishटर्निङ प्वाइन्ट्स-२०२१
  • वि.सं २०७८ असार ९ बुधबार
  • Wednesday, 23 June, 2021
नयाँ पत्रिका काठमाडौं
२०७७ पौष ९ बिहीबार ११:४५:००
Read Time : < 1 मिनेट
मुख्य समाचार डिजिटल संस्करण

चिनियाँ राजदूत यान्छीले भेटिन् प्रचण्डलाई

Read Time : < 1 मिनेट
नयाँ पत्रिका, काठमाडौं
२०७७ पौष ९ बिहीबार ११:४५:००

सत्तारुढ दल नेकपा विभाजन भएपछि नेपालका लागि चिनियाँ राजदूत होउ यान्छीले पुष्पकमल दाहाल प्रचण्डलाई भेटेकी छिन् । 

आज बिहीबार बिहान उनी ९ बजे प्रचण्डनिवास खुमलटार पुगेकी स्रोतले जनाएको छ । उनी र प्रचण्डबीच झन्डै २५ मिनेट कुराकानी भएको खुमलटार स्रोतले जनाएको छ । 

राजदूत यान्छी र प्रचण्डबीच नेकपाभित्र विकसित राजनीतिका विषयमा छलफल भएका बुझिएको छ । 

यसअघि पनि नेकपाभित्रका नेताहरूबीचको अन्तर्संघर्ष तीव्र बनेका वेला चिनियाँ राजदूत यान्छीको सक्रियता बढ्ने गरेको थियो । 

नेताहरू आपसमा मिलेर सत्ता सञ्चालन गर्नेतर्फ चीनको प्रोत्साहन हुँदै आएको थियो ।

संसद् विघटन भएपछि नेकपाको दुवै समूहले बेग्लाबेग्लै केन्द्रीय समितिको बैठक बोलाएपछि राजदूत यान्छीले राष्ट्रपति विद्यादेवी भण्डारीसँग भेटघाट गरेकी थिइन् । 

त्यस भेटमा चीनमा निर्मित कोरोनाको भ्याक्सिन नेपाललाई दिने भन्नेबारे छलफल भएको भनिए पनि राजदूत यान्छी र राष्ट्रपति भण्डारीका बीचमा नेपालको बदलिँदो राजनीतिक परिदृश्यका बारेमा नै कुराकानी भएको थियो ।