- वि.सं २o७७ मङ्सिर ८ सोमबार
लागुऔषध गाँजाको प्रयोग गरेको आरोपमा पक्राउ परेकी भारतीय कमेडियन भारती सिंह र उनका श्रीमान् हर्ष लिबाचिया धरौटीमा रिहा भएका छन् । उनीहरू १५–१५ हजार रुपैयाँ धरौटीमा रिहा भएका हुन् ।
भारती सिंह र हर्षका वकिल अयाज खानका अनुसार सोमबार बिहान ११ बजे नार्कोटिक्स कन्ट्रोल ब्युरोले जवाफी फाइल दिनुपर्नेमा कोही पनि नआएपछि अदालतले भारती र हर्षलाई धरौटीमा रिहा गरेको हो ।
उनीहरू दुवैजनालाई आइतबार अदालतमा पेस गरिएको थियो । त्यसपछि उनीहरूलाई अदालतले ४ डिसेम्बरसम्म न्यायिक हिरासतमा राख्न अनुमति दिएको थियो । ब्युरोले गत शनिबार भारती र उनका पति हर्षको घर र अफिसमा छापा मारेको थियो । सो क्रममा उनीहरूको साथबाट ८६.५ ग्राम लागुऔषध गाँजा बरामद भएको थियो ।
