काठमाडौं उपत्यकामा कोरोना संक्रमणको जोखिम उच्च छ । तर, त्यसको पर्वाह नगरी शिक्षा मन्त्रालयको केशरमहलस्थित वैदेशिक अध्ययन अनुमतिपत्र शाखामा विद्यार्थीको भिड छ । कोभिड–१९ को विश्वव्यापी महामारीबीच उनीहरू विदेशमै भविष्य खोज्दै छन् ।

शाखाबाट विदेशमा अध्ययनका लागि स्वीकृतिपत्र (नो अब्जेक्सन लेटर) र विदेशी मुद्रा सटही सिफारिसपत्र दिने व्यवस्था छ । भदौ दोस्रो साता सरकारले विदेशमा अध्ययनका लागि स्वीकृतिपत्र वितरण खोल्ने निर्णय गरेको थियो । त्यसको केही दिनपछि मन्त्रालयले अनलाइन आवेदन लिन सुरु गरेको हो ।

कोरोना संक्रमण बढेसँगै त्यसबाट अति प्रभावित मुलुकका लागि मन्त्रालयले चैत पहिलो सातादेखि स्वीकृतिपत्र दिन बन्द गरेको थियो । सोही कारण चैतयता न्यून संख्यामा मात्र स्वीकृतिपत्र जारी भएको थियो ।

भिडियो हेर्नुहोस्>>>