- वि.सं २o७७ असोज २ शुक्रबार
संघीय मामिला तथा सामान्य प्रशासन मन्त्रालयले सबै निजामती कर्मचारीको सरुवा रोक्ने निर्णय गरेको छ । आगामी २४ असोजमा निजामती कर्मचारीहरूको आधिकारिक ट्रेड युनियनको निर्वाचन हुन लागेकाले सरुवा रोक्ने निर्णय गरेको हो ।
निर्वाचनको आचारसंहिताका कारण सरुवा रोकिएको मन्त्रालयले जनाएको छ । प्रमुख निर्वाचन अधिकृतको पत्रअनुसार २४ असोजसम्म सरुवा तथा काज सरुवा नहुने मन्त्रालयले प्रस्ट पारेको छ ।
कोरोना महामारी बढिरहेका वेला सरकारले आधिकारिक ट्रेड युनियनको चुनाव गर्न लागेको हो । चुनावमा अधिकृतसम्मका कर्मचारीले मतदान गर्न पाउनेछन् । विषम परिस्थितिमा चुनाव गर्न लागेको भन्दै ट्रेड युनियनकै नेताहरूले यसको विरोध गरेका छन् ।
