- वि.सं २o७७ भदौ १८ बिहीबार
गण्डकी प्रदेशकाे संसद्का विधायन समिति सभापति मोहनप्रसाद रेग्मीलाई कोरोना संक्रमण भएको छ । कन्ट्याक्ट ट्रेसिङमा परेका उनले चार दिनअघि स्वाब दिएका थिए ।
बुधबार आएकाे रिपाेर्टमा उनमा कोरोना संक्रमण पुष्टि भएको हो । आफू पोखरामै होम आइसोलेसनमा रहेको उनले जानकारी दिए ।
‘कन्ट्याक्ट ट्रेसिङमा थिएँ । हिजो रिपोर्ट पोजेटिभ आयो । मेरो स्वास्थ्य अवस्था राम्रो छ । कुनै बिरामीको लक्षण ममा छैन । पोखराकै डेरामा आइसोलेसनमा बसेको छु,’ उनले नयाँ पत्रिकालाई जानकारी दिए ।
