- वि.सं २o८१ पौष ५ शुक्रबार
नवलपुरको गैँडाकोट– ९ थुम्सीस्थित नारायणी नदीमा एक पुरुष मृत अवस्थामा फेला परेका छन्।
जिल्ला प्रहरी कार्यालय नवलपुरका प्रहरी उपरीक्षक यादव ढकालका अनुसार नारायणी नदीको बिचभंगालोमा परिचय नखुलेका निलो रङको ट्राउजर, टोपी र निलो रंगकै हुड लगाएका अन्दाजी ४० वर्षीय पुरुष मृत फेला परेका हुन्।
मृतकको शव नदीबाट बाहिर निकाली घटनास्थलबाट जाँच मुचुल्का गरी पोस्टमार्टमका लागि अस्पताल पठाउने तयारी भइरहेको प्रहरीले जनाएको छ।
