चार महिनादेखि प्रतयक्ष रूपमा स्वाब संकलनमा खटिएका एक स्वास्थ्यकर्मीलाई कोरोना पोजेटिभ पुष्टि भएको छ । शुक्लाफाँटा नगरपालिकामा कार्यरत ल्याब असिष्टेन्टको पिसिआर विधिबाट गरिएको स्वाब परीक्षणमा कोरोना पोजेटिभ देखिएको हो ।
सेती प्रादेशिक अस्पतालले सार्वजनिक गरेको विवरणअनुसार शुक्लाफाँटा नगरपालिका– ४ कञ्चनपुर भनिएका ४१ वर्षीय व्यक्ति नै जनस्वास्थ्यकर्मी भएको पुष्टि भएको हो ।
भारतबाट फर्किएकासहित नगरपालिकाका अन्यको स्वाब संकलनमा खटिएका उनको पनि स्वाब संकलन गरेर सेती प्रादेशिक अस्पताल पठाइएको थियो ।
स्वाब संकलनमा खटिएका स्वाथ्यकर्मीलाई कोरोना पुष्टि भएको शुक्लाफाँटा नगरपालिका कोडिभ– १९ का संयोजक प्रमानन्द भट्टले जानकारी दिए ।
संक्रमित स्वास्थ्यकर्मीलाई आइसोलेसनमा राखिएको र उनको अवस्था सामान्य रहेको भट्टले बताए ।